لشاب النايتى
الشاب السيس
سهران فى البارتى
قشطه و بيس
يا حبيب هارتى
انت لذيذ
استاذ فى القلش
والتهييس
الشاب النايتى
الشاب الكوول
بنطلونه
صاقت على طول
جامد وفظييييع
مش معقول
مز و جان
واد عسول
الشاب النايتى
مالوش فى الشعبى
بيسمع راب
وبيسمع غربى
تك كير بيبى
تك كير حبى
انت حبيبى
واحشنى يا قلبى
الشاب النايتى
شاب خواجه
عايش مش فاهم
حاجه فى حاجه
شارب ومشيش
ضارب كذا حاجه
و مكبر مخه
اخر حاجه
الشاب النايتى
واد حبوب
حسه مرهف
قلبه طيوب
هدومه لابسها
بالمقلوب
ماشى ع الموضه
المضروب
الشاب النايتى
يحب مارينا
يأنتم مع ساندى
وجوليا وتينا
يلبس سلسله
وشورت كارينا
والعب يا ماو
يلا بينا
الشاب النايتى
مش عصامى
بياخد مصروف
من بابى ومامى
يصحى المحروس
يروح ع النادى
يسلم ويبوس
مجهود مش عادى
الإثنين مايو 03, 2010 3:02 am
